傳統中式婚嫁習俗中，大妗姐扮演住意義非凡嘅角色，擁有豐富婚禮知識及經驗，成為傳統儀式統籌兼主持人，以下整理四點「大妗姐小知識」，各位新人可以更了解呢位重要人物❗️❗️
🧧主持婚禮流程
大妗姐由擇日、過大禮、安床禮、上頭禮到大婚禮儀都可以為新人包辦，具有良好嘅口才及風趣幽默嘅個性，出門時負責撐起紅傘及主持婚禮各個流程，能夠營造融洽嘅氣氛，令婚禮充滿歡樂與祝福。
🧧指導新人禮儀
大妗姐會喺婚禮前與新人進行溝通，指導佢哋喺中式婚嫁嘅禮儀，提醒新人敬茶時之注意事項，確保佢哋舉止得體且符合傳統習俗。
🧧貼心照顧新人
大妗姐注意婚禮細節，並提供協助與支持，亦會解答親友長輩問題，協調儀式時間嘅安排，使新人舒適地享受婚禮。
🧧傳承婚禮習俗
大妗姐係傳統婚禮習俗嘅傳承者，能夠向新人及長輩講解婚禮嘅意義和象徵。確保婚禮中嘅每個細節都符合傳統，讓婚禮更具意義。
所以大妗姐係中式婚嫁主持人，更加係一個負責傳統文化傳承及照顧新人嘅重要人物，成就溫馨同有意義嘅婚禮🫶
Comments